بہت مشہور واقعہ محمود غزنوی کا ہے کہ جب محمود غزنوی نے سومنات کو فتح کرنے کا ارادہ کیا تو افغانستان سے فوج کو ترتیب دے رہا تھا تو یہاں ہندوستان کے عوام کو پتہ چل گیا اور وہ بہت پریشان ہوئے اور وہاں کے مہاراجوں اور وہاں کی حکومت نے سوچا کہ محمود غزنوی کے حملے کو کیسے روکا جائے اور اس کیلئے حکومت نے اپنے اعلیٰ لوگوں سے مشورہ کیا اور پھر وہاں کے پنڈت یا پروھت جو کہ مندر کے بڑے بڑے پجاری ہوتے ہیں انہوں نے مشورہ کیا کہ ہم یہ کام کرتے ہیں اور لوگوں سے کہا آپ بے فکر ہوجائیں ۔ادھر پنڈتوں نے ایک جماعت تیار کی جس کی سوچ اور فکر ایک یہی تھی کہ محمود غزنوی بیمار ہوگیا ادھر یہ جماعت خالص ایک فکر اور سوچ لے کر بیٹھ گئی اور فوراً (کہ محمود غزنوی بیمار ہوگیا) محمود غزنوی واقعتاً بیمار ہوگیا اور بالکل بستر سے لگ گیا۔ محمود غزنوی بھی پریشان ہوا اور اپنے جاسوس بھی ہندوستان بھیجے اور اس حملے کے وہاں پر کیا اثرات ہیں تو جاسوس نے اطلاع دی کہ پنڈتوں کی ایک جماعت صرف اس لیے بیٹھی ہے کہ جس کی سوچ اورفکر ایک ہی ہے کہ محمود غزنوی بیمار ہوگیا جب یہ اطلاع ملی تو محمود غزنوی نے جاسوس سے کہا جو کہ محمود غزنوی کا فوجی عہدہ دار بھی تھا اور محمود غزنوی کا ہم شکل بھی تھا کہ تم فوراً میرا لباس پہنو اور گھوڑا پر بیٹھ کر فوج کی تیاری کا حکم دو اور  میری بیماری کا پتہ صرف میرے اندرون خانہ اور چند عہدیداروں کو ہے اور فوج کی تم بھاگ دوڑ سنبھالو اور فوج کو کوچ کا حکم دو اب یہ خبر جب ہندوستان پہنچی تو پنڈت بہت پریشان ہوئے کہ ہمیں تو اطلاع ملی تھی کہ محمود غزنوی بہت بیمار ہے یہ کیا ہے؟ پھر پنڈت کہنے لگے کہ ہمارے اندر کوئی ایسا موجود ہے جس کی سوچ اور فکر میں تبدیلی آگئی ہے کہ جس کی وجہ سے محمود غزنوی بیمار نہیں ہوا ادھر اس جماعت کی فکر ٹوٹی ادھر محمود غزنوی صحت یاب ہونا شروع ہوگیا اور صرف چند روز میں پھر سے صحت مند ہوکر فوج کی بھاگ دوڑ اپنے پاس واپس لے لی اور اس طرح پھر سومنات کی فتح ہوئی۔ اس واقعہ کو ذکر کرنے والے نے کہا جب ہماری دکان پر کوئی گاہک آتا ہے اور میری اورمیرے بھتیجا کی ایک فکر اور سوچ ہوتی ہے کہ یہ گاہک سامان لے کر جائیگا تو پھر وہ گاہک مال لے کر ہی جاتا ہے اور اگر دوسرا ساتھی کہہ دے کہ چاچو یہ نہیں لے گی/یا لے گا تو پھر چونکہ میری اور اس کی سوچ اور فکر میں تبدیلی ہوتی ہے تو پھر واقعی مال سامان  بغیر لیے واپس ہوجاتا ہے۔